Skip to main content

Posts

Showing posts from September, 2015

வானப்ரஸ்தம்

அதிகாலை ஆலயத்து வெளிபி்ரகாரம் போல
கைக்குழந்தை இல்லாத வீடு போல
வார்டன் இல்லா விடுதி போல
பாடகன் இல்லாத கச்சேரி மேடை போல
எங்கள் ”ஸ்ரீ துளசி இல்லம்” ...
நிச்சலனமாய் இருக்கிறது.
வருத்தம் உண்டு ; துக்கம் இல்லை
ஆதங்கம் உண்டு ; ஆயாசம் இல்லை
அடடா என்று தோன்றுகிறது; அய்யோ என்றில்லை.
தெரிந்தவைகளை
சொல்லிக் கொடுத்துவிட்டு
வகுப்பறை நீங்கிய ஆசிரியனை
நினைத்துக் கொள்வதுபோல்
தலைக்கு மேல் உயர்த்தி
கை கூப்பத் தோன்றுகிறது.
விடைபெற்றுக் கொண்டது அந்த
சிநேகமுள்ள சிங்கம்.